Президент Қасым-Жомарт Тоқаев Orbis Kazakhstan компаниялар тобының негізін қалаушы Фаррух Махмудовты қабылдады

Мемлекет басшысына Orbis Kazakhstan қызметінің нәтижелері мен даму перспективалары туралы ақпарат берілді. Атап айтқанда, Фаррух Махмудов Президентке Алматының индустриалды паркінде Orbis Manufacturing толық циклді автомобиль зауытын салу жоспары туралы айтып берді. Жоба бір өндірістік алаңда EXEED және Kaiyi сияқты ҚХР брендтерін біріктіреді, олармен 100 пайыз шағын торапты өндіріс туралы келісімдерге қол жеткізілді. Жобаға инвестициялардың жалпы көлемі 72 млрд теңгені құрайды. Бірінші кезеңде 1 500 жаңа жұмыс орны құрылады. Өндірістік қуаттылығы – жылына 80 мың автомобиль, олар ішкі нарыққа да, Орталық Азия мен Кавказ өңірінің елдерін қоса алғанда, сыртқы нарықтарға да жеткізілетін болады. Қасым-Жомарт Тоқаевқа компанияның Астана инфрақұрылымын дамытуға қатысуы туралы ақпарат берілді. Ағымдағы жылы Orbis сауда-нарық кешенінің құрылысын аяқтап, көпсалалы медициналық клиниканың құрылысын бастауды жоспарлап отыр. Сонымен қатар, компанияның Agro Park көтерме-тарату орталығын салуды бастау жоспарлануда. Сонымен қатар, компаниялар тобы Алматының туристік кластерін дамыту бойынша бірқатар жобаларды жүзеге асыруда. Оңтүстік Астананың символы - Almaty тарихи қонақ үйін қайта жаңарту басталды, Қонаевтағы "Просвещенц" рекреациялық орталығы мен көпфункционалды демалыс орталығының құрылысы жүргізілуде. Сонымен қатар, Мемлекет басшысына компанияның Батыс Қазақстан облысының Ақсу және Кентубек елді мекендеріндегі су тасқыны салдарын жоюға қосқан үлесі туралы баяндалды. Фаррух Махмудов Президентке қазақстандық бизнесті үнемі қолдағаны үшін алғысын білдірді. Қасым-Жомарт Тоқаев компанияның бастамаларына оң баға беріп, жаңа жобаларды іске асыруда табыс тіледі.