Orbis Construction Komatsu-тың Орталық Азиядағы ең ірі сервистік орталығын салады

24 қыркүйекте Астанада Komatsu компаниясының заманауи сервистік орталығын салуды бастауға арналған ресми рәсім өтті — бұл Орталық Азиядағы бірінші және ең ірі осындай орталық болып табылады. Жобаның жалпы инвестиция көлемі шетелдік қаражат есебінен 10 миллиард теңгеден асады.

Іс-шараға Жапонияның Қазақстандағы Төтенше және өкілетті елшісі Иидзима Ясумаса, сондай-ақ Komatsu Ltd пен Orbis Construction компанияларының жоғарғы басқару өкілдері қатысты.

Жобаның бас мердігері — өнеркәсіптік күрделі нысандарды іске асыруда сенімді тәжірибесі бар Orbis Construction. Біздің команда құрылыс жұмыстарын толық көлемде орындап, халықаралық стандарттарға сай озық шешімдерді енгізуді қамтамасыз етеді.

Жобаның тапсырыс берушісі — «КОМЕК МАШИНЕРИ Қазақстан», Komatsu-ның ресми дистрибьюторы.

Ауданы 5 000 шаршы метр болатын жаңа орталық Қазақстанның тау-кен өнеркәсібі үшін стратегиялық мәнге ие болады. Мұнда ауыр техниканың қозғалтқыштары, трансмиссиялары, гидроцилиндрлері, электрлік компоненттері мен басқа да агрегаттарын дефекттеу мен диагностикалаудан бастап — капитальды жөндеуге және сынақтан өткізуге дейінгі толық цикл бойынша жөндеу жұмыстары жүргізілетін болады.

Бұл жоба Қазақстанның бүкіл өңір үшін сервистік хаб ретіндегі беделін нығайтып қана қоймай, жаңа жұмыс орындарын ашып, тау-кен техникасының қызмет көрсетуін жеделдетіп, жабдықтардың сенімділігін арттырады.

Orbis Construction үшін бұл — халықаралық компаниялар мен ірі өндірістік тапсырыс берушілерге сенімді серіктес екендігін растайтын маңызды жоба.

Komatsu — құрылыстық және тау-кен техникасын өндіру саласында әлемдік деңгейдегі көшбасшылардың бірі.