Orbis Group-тың 2026 жылға арналған стратегиясы: адамдар, жасанды интеллект және білім

2025 жылдың соңында Алматы қаласында Orbis Group басшылығының стратегиялық кездесуі өтті. Жиын барысында компанияның алдағы жылдарға арналған негізгі даму бағыттары айқындалды. Негізгі назар адам капиталына, технологияларға және тұрақты өсімнің негізі ретіндегі білімге аударылды.

Стратегияның өзегінде — адам

Жылдам өзгерістер мен технологиялық серпілістер дәуірінде Orbis Group қарапайым, бірақ маңызды қағиданы ұстанады: кез келген өсімнің артында адамдар тұр. Компанияның негізін қалаушы Фаррух Махмудовтың пікірінше, жұмыс орны тек табыс көзі ғана емес, адамға тұрақтылық пен сенім беретін кеңістік болуы тиіс — бұл қызметкерлердің өздері мен отбасылары үшін де маңызды.

«Кез келген өсімнің негізінде адамдар жатыр. Мен үшін жұмыстың адамның өзін сенімді әрі маңызды сезінетін, қауіпсіз айлаққа айналуы аса маңызды», — дейді Orbis Group негізін қалаушы Фаррух Махмудов.

Сенім, бір-біріне деген құрметке және қолдауға негізделген корпоративтік мәдениет компания үшін жай ғана құндылық емес, ұзақмерзімді тиімділіктің нақты факторы болып саналады. Адам өз жұмысын түсініп, өзін сенімді сезінген кезде, бизнес те тұрақты дамиды.

Сондай-ақ Orbis Group таланттарды дамытуға және ұрпақтар сабақтастығына ерекше мән береді. Компанияда тәжірибе мен кәсіби дәстүрлерді сақтауды — үнемі өзгеріп отыратын заманда аса құнды ресурс деп есептейді.

Негізгі салаларды дамыту

Алдағы кезеңге көз жүгірте отырып, компания өндірістік және логистикалық тізбектерді нығайтуға, сондай-ақ жергілікті бизнесті дамытуға басымдық беріп отыр.

Алдағы жылдары Orbis Group:

• автомобиль секторындағы қатысуын кеңейтуді;
• коммерциялық техниканы қоса алғанда, машина жасау бағыттарын дамытуды;
• құрылыс пен өнеркәсіптік инфрақұрылым салаларында ірі жобаларды іске асыруды;
• агроөнеркәсіп кешенін, әсіресе өнімді қайта өңдеу бағытын күшейтуді жоспарлап отыр.

Бұл бастамалар бизнестің өсуіне ғана емес, экономиканың дамуына және жаңа жұмыс орындарының ашылуына да ықпал етуді көздейді.

Тиімділік және жасанды интеллект

2026 жылға арналған стратегияның маңызды құрамдас бөлігінің бірі — жасанды интеллект. Orbis Group үшін ЖИ — сәнді тренд емес, нақты нәтижеге жеткізетін практикалық құрал. Ол аналитикадан бастап жоспарлау мен бизнес-процестерді оңтайландыруға дейінгі көптеген бағытта қолданылады.

«Жасанды интеллект — адамды алмастыратын құрал емес, оның мүмкіндігін күшейтетін ресурс. Егер адамдар технологияны саналы әрі жауапкершілікпен қолданса, ол нақты нәтиже береді», — деп атап өтті Фаррух Махмудов.

Компанияның басты қағидасы — айқын пайда. Өз тиімділігін дәлелдеген шешімдер кеңінен енгізіледі, ал негізгі шешімдер қабылдауда жауапкершілік әрдайым адамда қалады.

Білім — болашаққа салынған инвестиция

Orbis Group-та білім алу бір реттік кезең емес, үздіксіз процесс ретінде қарастырылады. Компания 2026 жылды басқарушы құрамнан бастап жас мамандарға дейінгі барлық деңгейде білім мен дағдыларды жаңарту кезеңі ретінде бағалайды.

«Білім алу — бұл бір кезең емес, тұрақты күй. Өзгерісі жылдам әлемде қызметіне немесе тәжірибесіне қарамастан, әр адам үнемі үйренуі керек», — дейді Orbis Group негізін қалаушысы.

Мұнда тек курстар мен тренингтер туралы ғана емес, даму мәдениетін қалыптастыру, жаңа идеяларға ашық болу, жоғары оқу орындарымен әріптестік орнату және жас таланттарды тарту жайында сөз болып отыр.

Алға көзқарас

Orbis Group-тың 2026 жылға арналған стратегиясы тепе-теңдікке негізделген: адамдар мен технологиялар, тәжірибе мен жаңа білім, тұрақтылық пен өсім арасындағы үйлесім. Осындай ұстаным компанияға өзгерістерге деген бейімді дамыту, өз даму бағытын саналы түрде қалыптастыруға мүмкіндік береді.

Orbis Group-та сенім, бірлескен еңбек және үздіксіз білім алу — бизнесте ғана емес, одан тыс кеңістікте де алға жылжудың басты қозғаушы күші деп есептейді.